Як вынікае з статыстыкі, апублікаванай на афіцыйным сайце Памежнай службы Польшчы, у студзені–сакавіку 2024 году выправадзілі 286 грамадзян Беларусі, зь якіх 17 добраахвотна выканалі загад польскіх уладаў пакінуць тэрыторыю краіны.
У гэтым паказьніку беларусаў апярэдзілі толькі грамадзяне Грузіі — у студзені–сакавіку 2025 году выслалі 447 грузінаў, 67 зь іх выехалі з Польшчы добрааховтна.
За нелегальнае знаходжаньне ў Польшчы затрымалі 3253 асобы, што больш, чым летась, на 16%. Зь іх 338 чалавек — на беларуска-польскай мяжы. Найбольш затрымлівалі грамадзянаў Грузіі (542), Беларусі (358), Калюмбіі (344), Малдовы (308) і Ўкраіны (293).
У той жа час беларускім грамадзянам адмаўлялі ва ўезьдзе ў Польшчу радзей: у студзені–сакавіку 2025 году такіх выпадкаў было 378 (у першым квартале 2024 году — 618). Пяцём беларусам адмовілі праз парушэньне тэрміну візы, яшчэ пяцём — праз брак належных дакумэнтаў аб мэтах і ўмовах знаходжаньня ў Польшчы, аднаму — празь нястачу грашовых сродкаў на знаходжаньне ў краіне. Іншых прычынаў не ўдакладнілі.
Апроч таго, паменела грамадзян Беларусі, якія падалі заяву на атрыманьне міжнароднай абароны: 790 у студзені–сакавіку 2025-га супраць 978 у першым квартале 2024 году. Большую частку заяваў беларусы падавалі не на мяжы, а ўжо ў Варшаве.
Згодна з статыстыкай, з просьбамі аб міжнароднай абароне да ўладаў Польшчы паступілі заявы ад 2943 грамадзян Украіны (летась было 1 150) і ад 223 — Расеі (летась — 281).
Форум